انا حبيت الحب عشانك

تعرف تقول الحب ايه..
تعرف تكلمنى عليه..
عرفنى بيه..
قربنى ليه..
أنا لسه ح أتعرف عليه
لما أوصف اللى بحس بيه..

هوه حلاوه ولا مرار..
هوه لقا ولا أنتظار..
يبقى أمل ولا أنتحار..
يعنى تحدى ولا انكسار..
طيب قدر ولا قرار..
الحب ايه تعرف تقوووول..
بحس انو كل دول..

الحب نعمه..
حاجه طعمه..
أحاسيس رقيقه ومشاعره ناعمه..
وأكمنه صادق..بيقولوا أعمى
يبقى يابخت المكفوفين..
بيعيشوا ف الحب بيقين..
وجماله خلا الناس بحالها..
تتمنى تشعر بيه يومين..
أنا لسه ح أتعرف عليه..
لما أوصف اللى بحس بيه..

الحب ليل ولا نهار..
وقرب ولا يكون فرار..
هوه أمان ولا دمار..
وقوه ولا أنهيار..
الحب ايه تعرف تقول..
بحس انو كل دول..

الحب بالنسبالى أنت..
وجماله كان فى خيالى أنت..
ومشاعرى لو ليها اسم تانى غير بحبك..
أسميها أنت..

اللى بحسه..
وبعشق حسو..
وأدوب من لمسو..
وبحفظ كل ملامح وشو..هوه أنت..
لو بختار فى مصيرى أختارك..
لو ف النار أرمينى ف نارك..
ودى أخر كلمه ح أقولهالك..
أنا حبيت الحب عشانك